Humanitar fənlər kafedrası
Kafedra müdiri

Aynur Ramiz qızı Əliyeva – Azərbaycan Kooperasiya Universitetinin Humanitar Fənlər kafedrasının müdiri, tarix üzrə fəlsəfə doktoru, dosent.
Əliyeva Aynur Ramiz qızı 1976-cı il 17 sentyabr tarixində Azərbaycan Respublikasının Şuşa şəhərində anadan olmuşdur. Orta məktəbə 1983-cü ildə Xankəndi şəhərində N.Gəncəvi adına 4 nömrəli tam orta məktəbə daxil olmuş, 1989-cu ildə başlanan Qarabağ münaqişəsinə görə, ailəsi ilə birlikdə Xankəndindən Şuşa şəhərinə köçmüşdür. 1992-ci ildə Şuşa şəhəri işğal edildikdən sonra Tərtər rayonunun Hacıqərvənd kəndində məskunlaşmış, 1993-ci ildə Tərtər rayonunun Hacıqərvənd kəndində orta məktəbi bitirmişdir. 1993-cü ildə Azərbaycan Dövlət Pedaqoji Universitetinin tarix fakultəsinə qəbul olmuşdur və 1997-ci ildə təhsilin fərqlənmə diplomu ilə başa vuraraq Tərtər rayon Hacıqərvənd orta məktəbində tarix müəllimi işləməyə başlamışdır. 2004-2006-cı illərdə Azərbaycan Dövlət Pedaqoji Universitenin magistr pilləsində təhsil alaraq oranı fərqlənmə diplomu ilə bitirmiş, 2007-ci ildə AMEA-nın A.A.Bakıxanov adına Tarix İnstitutunun doktoranturasına daxil olmuşdur. 3 il əyani təhsil aldığı müddətdə dissertasiya işini hazırladığı üçün növbədənkənar müdafiyəyə buraxılmış və 2011-ci ildə “Heydər Əliyev fondu və Azərbaycan Respublikasında Təhsil və Səhiyyənin inkşafı” adlı dissertasiyanı müdafiə etmişdir. 2013-cü ildə Azərbaycan Respublikasının Prezidenti yanında Ali Attestasiya Komissiyası tərəfindən 09.01.2013-cü il tarixli qərarı ilə tarix üzrə fəlsəfə doktoru elmi dərəcəsi verilmişdir. 2003-2018-ci illərdə Bakı Biznes və Kooperasiya Kollecində müəllim vəzifəsində çalışmışdır. 2014-cü il kadrların hazırlanması sahəsində səmərəli pedaqoji fəaliyyətinə görə Azərbaycan Respublikasının Təhsil Nazirliyinin Fəxri Fərmanı ilə təltif edilmişdir . 2018-2019-cu il kollec rəhbərliyi tərəfindən “Tədris ilinin ən yaxşı müəllimi” adına layiq görülüb, Fəxri Fərmanla təltif edilmişdir. 2019-cu ildən Azərbaycan Kooperasiya Universitetində müəllim kimi pedaqoji fəaliyyətlə məşğuldur. 2021-ci ildə “Heydər Əliyev Fondunun Azərbaycan Respublikasında təhsil, səhiyyə, idmanın inkişafı və milli-mənəvi dəyərlərin qorunması sahəsində fəaliyyəti” monoqrafiyasının müəllifidir. İşlədiyi müddətdə elmi-pedaqoji fəaliyyətlə yanaşı Qafqaz Albaniyası adlı 1 dərs vəsaiti, 5 tədris proqamı: “Arxeologiya”, “Diyarşünaslıq”, “Numizmatika”, “Diyarşünalıq muzeylərinin işinin təşkili” , “Dini abidələrin mühafizəsi və bərpası” , Azərbaycan Respublikasında və xaricdə dərc olunmuş 20 məqalə və tezislərin müəllifidir. 2024-cü ildə Azərbaycan Kooperasiya Universitetində professor-müəllim heyəti arasında sağlam rəqabət mühitini gücləndirmək və tələbələri mənəvi cəhətdən stimullaşdırmaq məqsədilə 2023/2024-cü tədris ilinin yekunlarına dair keçirilən sorğuların nəticələrinə əsasən “İlin müəllimi” seçilmişdir. Hazırda Azərbaycan Kooperasiya Universitetinin “Humanitar fənlər” kafedrasında kafedra müdiri vəzifəsində çalışır.
Kafedra Haqqında
1970-1992-ci illərdə “İctimai fənlər” adı altında fəaliyyət göstərmiş kafedraya professor S.İ.Səfərov rəhbərlik etmişdir. 1992-1994-cü illərdə kafedraya dosent B.Ç.Çərkəzov rəhbərlik etmişdir. 1994-2000-ci illərdə kafedranın adı “Humanitar fənlər” adlanmış və kafedraya dosent Z.M.Əliyev rəhbərlik etmişdir. 2001-2007-ci illərdə kafedra “İqtisadi tarix” adlanmış və kafedraya dosent A.Ə.Dilbazova rəhbərlik etmişdir. 2007-ci ildə kafedra “Tarix” kafedrası adlanır və kafedraya 2014-cü ilin sentyabr ayınadək dosent Z.M.Əliyev rəhbərlik etmişdir. 2014-cü ilin sentyabr ayından hazırda kafedraya f.e.d., dos. Nizami Cəlal oğlu Məhərrəmov rəhbərlik edir. 2016-ci ildən kafedra yenidən “Humanitar fənlər” adlandırılmışdır. Kafedrada bütün ixtisaslara əsasən bakalavr pilləsi üzrə “Azərbaycan tarixi”, “Multikulturalizmə giriş”, “Kooperativ hərəkatının tarixi və nəzəriyyəsi”, “Azərbaycanınnın şəhərsalma tarixi”, “ARK və hüququn əsasları”, “Biznes hüququ”, “İqtisadi hüquq”, “Ekalogiya hüququ”, “İnzibati hüquq”, “İqtisadi hüquq”, “Turizm hüququ”, “Beynəlxalq gömrük hüququ, “Dövlət qulluğu”, “Biznes hüququ”, “Arxiv işinin əsasları”, “Muzey işinin əsasları”, “Dünya muzeyləri – 1”, “Dünya muzeyləri – 2”, “Etnoqrafiya”, “Regionun tarixi”, “İxtisasa giriş”, “Azərbaycan muzeyləri”, “Azərbaycan mədəniyyəti tarixi – 1”, “Azərbaycan mədəniyyəti tarixi – 2”, “Məişət və geyim tarixi”, “Təsviri incəsənət tarixi”, “Arxeologiya”, “Tarix və mədəniyyət abidələrinin mühafizəsi”, “Muzey və arxiv mənbəşünaslığı”, “Arxiv sənədlərinin mühafizəsi”, magist pilləsi üzrə “Azərbaycan multikulturalizmi”, “Beynəlxalq gömrük hüququ”, “Beynəlxalq ticarət hüququ”, “Biznes sferasında maliyyə və iqtisadi hüquq”, “Biznes hüququ”, “Biznesin hüquqi tənzimlənməsi”, “Dövlət idarəetməsində hüquq”, “Turizm hüququ” fənləri tədris olunur. Kafedramızın müəllimləri mütəmadi olaraq elmi konfranslarda iştirak edir, müxtəlif qəzet və jurnallarda tezis və elmi məqalələr dərc etdirirlər. Kafedra əməkdaşlarının iştirakı ilə ölkəmizdə gedən ictimai – iqtisadi və siyasi inkişafla əlaqədar olaraq tədris proqramında ardıcıl olaraq müvafiq dəyişikliklər aparılmışdır. Kafedranın müəllimləri təsdiq olunan tədris-təqvim planının əsasında mühazirə və seminar məşğələləri aparırlar. Hazırda kafedranın professor – müəllim heyəti 14 nəfərdən ibarətdir. Onlardan 1 nəfəri professor, 2 nəfəri dosent, 4 nəfəri tarix üzrə fəlsəfə doktoru, 1 nəfəri hüquq üzrə fəlsəfə doktoru, 4 nəfəri baş müəllim, 2 nəfəri isə müəllim vəzifəsində çalışır.
Professor-müəllim heyəti
F.e.d., dos. Məhərrəmov Nizami Cəlal oğlu (Kafedra müdiri)
Professor Məmmədov Xəqani Məmməd oğlu
T.e.d., dos. Qasımov Ədalət Qasım oğlu
T.f.d. Əliyeva Aynur Ramiz qızı
T.f.d. Əliyeva Vüsalə Zakir qızı
T.f.d. Aslanlı Günel Mobil qızı
T.f.d. Nəsirova Sevinc Akif qızı
H.f.d. Hətəmov Bəxtiyar Hüsən oğlu
B/m. Vəliyev Akif Nüsrət oğlu
B/m. Məmmədov Nizami Əjdər oğlu
B/m. Şelemanov Emil Astan oğlu
B/m. Məlikov Balabəy Ağamməd oğlu
Müəllim Hətəmova Jalə Nizami qızı
Müəllim Kərimova Sevinc Qəhrəman qızı
Tədris olunan əsas fənlər (Bakalavr)
Arxeologiya
Arxiv işinin əsasları
Arxiv sənədlərinin mühafizəsi
ARK və hüququn əsasları
Azərbaycan mədəniyyəti tarixi – 1
Azərbaycan mədəniyyəti tarixi – 2
Azərbaycan muzeyləri
Azərbaycan tarixi
Azərbaycanınnın şəhərsalma tarixi
Beynəlxalq ticarət hüququ
Beynəlxalq iqtisadi hüquq
Biznes hüququ
Dövlət qulluğu
Dünya muzeyləri – 1
Dünya muzeyləri – 2
Ekalogiya hüququ
Etnoqrafiya
İnzibati hüquq
İxtisasa giriş
İqtisadi hüquq
Kooperativ hərəkatının tarixi və nəzəriyyəsi
Məişət və geyim tarixi
Multikulturalizmə giriş
Muzey işinin əsasları
Muzey və arxiv mənbəşünaslıq
Regionun tarixi
Tarix və mədəniyyət abidələrinin mühafizəsi
Təsviri incəsənət tarixi
Turizm hüququ
Tədris olunan əsas fənlər (Magistratura)
Azərbaycan multikulturalizmi
Beynəlxalq gömrük hüququ
Beynəlxalq ticarət hüququ
Biznes sferasında maliyyə və iqtisadi hüquq
Biznes hüququ
Biznesin hüquqi tənzimlənməsi
Dövlət idarəetməsində hüquq
Turizm hüququ
