Maliyyə və Bank işi kafedrası
Kafedra müdiri
Mehriban Kərəm qızı Tağıyeva – Azərbaycan Kooperasiya Universitetinin
Maliyyə və bank işi kafedrasının müdiri
Mehriban Kərəm qızı Tağıyeva 24 avqust 1979-cu ildə Bakı şəhərində ziyalı ailəsində anadan olmuşdur. 1986-1996-cı illərdə Bakı şəhərində, 267 saylı orta məktəbdə təhsil almışdır. Orta təhsilini müvəffəqiyyətlə tamamlayaraq, 1996-2000-ci illərdə Azərbaycan Kooperasiya Universitetinin bakalavr pilləsini, 2000-2002-ci illərdə isə magistratura pilləsini “Maliyyə və kredit” ixtisası üzrə fərqlənmə diplomu ilə bitirmişdir. 2000-ci ildən Azərbaycan Kooperasiya Universitetində elmi-pedaqoji fəaliyyətə başlamışdır. 2013-cü ildə AAK tərəfindən iqtisad üzrə fəlsəfə doktoru elmi dərəcəsi, 2017-ci ildə isə dosent elmi adı verilmişdir. 2013-2016-cı illərdə Azərbaycan Kooperasiya Universitetində “Statistika” kafedrasının müdiri vəzifəsində çalışmışdır. 2018-ci ildən Azərbaycan Kooperasiya Universitetinin Həmkarlar İttifaqı Komitəsinin sədri vəzifəsində çalışır. 2023-cü ilin may ayından “Maliyyə və bank işi” kafedrasının müdiri vəzifəsinə seçilmişdir və Universitetin Elmi-Metodiki Şurasının elmi katibidir. Ölkədə və xaricdə dərc olunmuş məqalə və tezislərin, müxtəlif fənnlər üzrə tədris proqramlarının, bir dərs vəsaitinin və bir monoqrafiyanın müəllifidir. İşlədiyi dövr ərzində müxtəlif vəzifələr üzrə müvafiq diplom, fəxri fərman və sertifikatlarla təltif olunmuşdur. Ailəlidir, iki övladı var.
Kafedra Haqqında
Azərbaycan Kooperasiya Universitetinin “Maliyyə və bank işi” kafedrası ilk dəfə 1993-cü ilin fevral ayının 1-də “İqtisadiyyat fənləri” kafedrasının bazası əsasında “Mühasibat uçotu və audit” kafedrası adı ilə təşkil edilmiş, 1997-ci ildə kafedranın adı “Maliyyə və statistika”, 2003-cü ildə “Maliyyə və kredit”, 2004-cü ildə “Maliyyə” olaraq müəyyənləşdirilmiş, 2016-cı ildən isə “Maliyyə və bank işi” kafedrası adlanır. Kafedrada 18 nəfərdən ibarət professor-müəllim heyəti, o cümlədən 3 i.e.d. professor, 3 i.e.n dosent, 5 i.f.d. dosent, 2 i.f.d. baş müəllim, 3 baş müəllim, 2 müəllim və 2 baş laborant fəaliyyət göstərir. Kafedrada ali təhsilinbakalavr pilləsində 17, magistratura pilləsində isə 19 fənn tədris olunur. Göstərilən fənlərin hər biri zəruri proqram-metodiki və ədəbiyyat təminatına malikdir, fənlər üzrə sillabuslar, mühazirə mətnləri, slaytlar isə universitetin elektron kitabxanasına yerləşdirilmiş və onların məzmunu dövrün dəyişən tələbləri nəzərə alınaraq kafedranın professor-müəllim heyəti tərəfindən daim təkmilləşdirilir. Hazırda kafedranın əməkdaşları tərəfindən “Postpandemiya dövründə Azərbaycan Respublikasının maliyyə sisteminin təkmilləşdirilməsi istiqamətləri” mövzusunda müvafiq istiqamətlər üzrə elmi tədqiqat işi yerinə yetirilir.
Kafedranın müəllim-professor heyəti tərəfindən “Maliyyə bazarları”, “Maliyyə”, “Müəssisələrin maliyyəsi”, “Sığorta işi”, “Büdcə sistemi”, “Pul kredit banklar”, “Maliyyə nəzəriyyəsi”, “Xarici ölkələrin maliyyə sistemi” adlı dərsliklər, “Maliyyə menecmenti”, “İnnovasiya fəaliyyətinin idarə edilməsi”, “Sosial işin iqtisadi əsasları”, “Banklar və bank əməliyatları” adlı dərs vəsaitləri, “Kooperasiya hərəkatı: təkamülü, mövcud durumu və inkişaf meyilləri”, “Azərbaycan Respublikasında iqtisadiyyatın davamlı inkişafının strateji istiqamətləri”, “Azərbaycanda investisiya və onun yaxşılaşdırılması istiqamətləri”, “İqtisadiyyatın davamlı inkişafının maliyyə-büdcə tənzimlənməsi və stimullaşdırılması problemləri”, “Ərzaq təhlükəsizliyinin aktual problemləri” adlı monoqrafiyalar nəşr edilmişdir. O cümlədən, dövri elmi nəşrlərin beynəlxalq xülasələndirmə və indeksləşdirmə sistemlərinə daxil olan jurnallarda bir çox məqalələr və ayrı-ayrı fənlər üzrə 58 tədris proqramları hazırlanaraq nəşr etdirilmiş və bu istiqamətdə işlər davam etdirilir. Kafedra əməkdaşları respublika və beynəlxalq səviyyəli konfranslarda və simpoziumlarda mütəmadi olaraq iştirak edir və onların müxtəlif mənbələrdə, o cümlədən Web of Science və SCOPUS bazasına daxil olan elmi jurnallarda, konfrans və simpozium materiallarında çoxsaylı məqalə və tezisləri dərc olunmuşdur. “Maliyyə və bank işi” kafedrasına i.f.d., dosent Mehriban Kərəm qızı Tağıyeva rəhbərlik edir.
Kafedranın daxili nömrəsi: 012 561 64 30 (200)
Е-mail ünvanı: maliyye-bank@mail.ru
Professor-müəllim heyəti
i.f.d., dos. Tağıyeva Mehriban Kərəm qızı
i.e.d., prof. Ataşov Bəyalı Xanalı oğlu
i.e.d., prof. İbrahimov Elşən Əli oğlu
i.e.d., prof. Məmmədova Elnurə Bünyat qızı
i.e.n., dos. Hüseynov Xanoğlan Əndəlif oğlu
i.e.n., dos. Sadıqov Bulud Cahangir oğlu
i.e.n., dos. Qurbanov Bayraməli Şükür oğlu
i.f.d., dos. Zeynalova Aytən Səfəralı qızı
i.f.d., dos. Xalıqova Nərgiz Şamil qızı
i.f.d., dos. Süleymanova Arzu Rəhim qızı
i.f.d., dos. Səmədzadə Aytən Ziyad qızı
i.f.d., b/m. Məmmədova Ləman Aydın qızı
i.f.d., b/m. Həsənli Amal Rasim oğlu
b/m. İsmayılova Amirə Cabbar qızı
b/m. Mehdizadə Nərmin Qurban qızı
b/m. Məmmədova Aygün Tapdıq qızı
müəl. Aydınlı Lamiyyə Mübariz qızı
müəl. Mehdiyev Zaur Rafiq oğlu
baş lab. İmanova Gültac Mahir qızı
baş lab. Muxtarzadə Pərvin İsmayıl qızı
Tədris olunan əsas fənlər (Bakalavr)
Maliyyə (ixtisas)
Maliyyə (qeyri-ixtisas)
Maliyyə bazarları (qrif)
Sığorta işi
Müəssisənin maliyyəsi
Pul və banklar
Bank işi (ixtisas)
Bank işi (qeyri-ixtisas)
Beynəlxalq valyuta-kredit və maliyyə münasibətləri
Dövlət maliyyəsi
Maliyyə risklərin idarə edilməsi (qrif)
Maliyyə menecmenti (qrif)
Korporativ maliyyə
İnvestisiyanın idarə edilməsi (qrif)
Karyera planlaması (qrif)
Yumşaq bacarıqlar (qrif)
Sərt bacarıqlar (qrif)
Tədris olunan əsas fənlər (Magistratura)
Fond bazarlarında risklərin idarə edilməsi
Maliyyə planlaşdırılması və proqnozlaşdırılması
Dövlət maliyyəsi
Maliyyənin müasir problemləri (qrif)
Müəssisələrdə risklərin idarə edilməsi
Korporativ maliyyə
Müəssisələrdə daxili nəzarət sistemi
Aktiv və passivlərin idarə edilməsi
Maliyyə menecmenti
Maliyyə böhranları
Qiymətli kağızlarla ticarət və maliyyə bazarı
Maliyyə risklərinin idarə edilməsi
Bank və sığorta təşkilatı üzrə risklərin idarə edilməsi
Banklarda risklərin idarə edilməsi
Müasir maliyyə sistemləri
Birja fəaliyyətinin təşkili və idarə edilməsi
Maliyyə menecmenti və maliyyə strategiyası
Büdcə sistemi və büdcə menecmenti
Bank işi və bank menecmenti
